Deputeti i BDI-së Talat Xhaferi sot gjatë vazhdimit të mbledhjes së Komisionit për Punë dhe Politikë Sociale ku po debatohet mbi nevojën e miratimit të Ligjit të 'Branitellave', theu fjalimin e tij me heshtje për një çast sa për t'ua recituar kolegëve të tij deputetë disa vargje të autorit maqedonas Aco Shopov me titullin 'Në heshtje' për të vazhduar sërish të flasë në heshtje, duke shfrytëzuar kështu të drejtën e deputetit.<br />"Në heshtje: Nëse mban diçka të pathënë, diçka që të bezdisë dhe të djegë, gropose në një hejshtje të thellë pasi heshtja vetë do ta thojë...I inspiruar nga ky varg, nga kjo strofë unë sot e tutje do të shfrytëzojë të drejtën që në heshtje dhe heshtja ime ta thotë vetë atë çfarë ndoshta nuk do të kisha mundur ta themë unë me zë", deklaroi Talat Xhaferi , BDI.<br />Heshtjen e Xhaferit e theu deputetja e LSDM-së, Radmilla Shekerinska përmes ndërhyrjes procedurale, gjë që shqetësoi Xhaferin dhe nxori nga kontrrolli situatën. Shekerinska me këtë rast tha se kjo që po ndodh në Kuvend nuk është vetëm farsë por turp dhe sjelljet e tilla të deputetit të BDI-së në këtë mënyrë do të mund të zgjasin deri në pafundësi.<br />"E vetmja gjë pozitive që ndodhi sot dhe dëshiroj këtë ta përshëndes, është që Talat Xhaferi në vend të heshtjes na qerasi me vargje vërtetë të mira dhe ky është një ndryshim i mirë por derisa ne do të kishim gjithë kohën në këtë botë. Ai tha ndoshta pa vetëdije, tha se diçka e bezdisë dhe djegë, po shihet se diçka në koalicionin e tyre diçka po bezdisë dhe po djegë. Nga njëra anë BDI të aktrojë si mbrojtës i interesave të mëdha shqiptare kurse VMRO-DPMNE të mos heq dorë nga imazhi i tyre patriotik. Bllokimi i kuvendit është marrëveshje mes VMRO-DPMNE-së dhe BDI-së. VMRO-DPMNE gjoja të propozojë ligjin kurse BDI gjoja të aktrojë dhe tentojë që ta bllokojë të njëjtin, kjo marrëveshje e prish imazhin e kuvendit të Maqedonisë", u shpreh Radmilla Shekerinska, LSDM.<br />"Fjala është e imja dhe mes të pauzës, mes fjalës nuk mundet që të japësh procedurale...", u shpreh Talat Xhaferi, BDI.<br />Ndërkohë kryetarja e Komisionit për Punë dhe Politikë Sociale, Cvetanka Ivanova tha se në ditët në vijim do të kërkojë ndihmën e kryetarit të kuvendit Veljanovski me qëllim të tejkalimit të situatës së krijuar pasi fjalimet me heshtje mund të zgjasin pafund dhe janë maltretim për opinionin.<br />"Unë e respektoj të drejtën e deputetit që të diskutojë por megjithatë kjo nuk ka kuptim. Do të mundohem që gjatë kësaj periudhe që nga kryetari i kuvendit dhe nga shërbimet e kuvendit të kërkoj mekanizma në pajtim me rregulloren se si ne të tejkalojmë këtë situatë të krijuar pasi me të vërtetë opinioni ynë nuk meriton sjellje të këtilla", theksoi Cvetanka Ivanova, kryetare e Komisionit për Punë dhe Politikë Sociale.<br />Koordinatori i grupit parlamentar të BDI-së, Talat Xhaferi sot edhe një herë rikujtoi se ai dhe partia e tij do të shfrytëzojnë të gjitha mekanizmat që burojnë nga rregullorja e Kuvendit me qëllim parandalimin e propozim-ligjit të 'branitellave'. Val...