Gjuha shqipe vazhdon të anashkalohet. Gjatë përurimit të pjesës së rindërtuar të vendkalimit kufitar 'Bllacë' mund të shiheshin vetëm tabela informuese në gjuhën maqedonase dhe atë angleze, por jo edhe në gjuhën shqipe. Drejtori i Doganave Vanço Kargov tha se tabelat në shqip do të vendosen, por ai refuzoi të përgjigjej për anashkalimin e tyre, në fillim, ashtu siç parashikon kushtetuta.<br />Pse nuk janë edhe në shqip tabelat informuese, ashtu siç parashikon ligji dhe Kushtetuta?<br /><br />"Atje ku kemi arritur, po i vendosim, por do t'i bëjmë dhe të tjerat!", tha Vanço Kargov, drejtor i Doganave të Maqedonisë.<br /><br />Pse nuk janë bërë tashmë?<br /><br />"Nuk kemi arritur t'i bëjmë ende, por mund të shihni se në disa vende veçmë janë vendosur. Ja ku i keni tabelat informuese!", u përgjigj Kargov.<br /><br />Ndërkohë, Ministrja e Brendshme Gordana Jankullovska tha në fjalim se rindërtimi i vendkalimit kufitar të Bllacës ka rëndësi të madhe për banorët e dy krahëve të kufirit dhe do të evitojë radhët e gjata në kufi.<br /><br />"Për ne, pika e modernizuar kufitare do të ketë ndikim të madh mbi rritjen e cilësisë së kontrollit gjatë lëvizjeve të përditshme në këtë vendkalim. Kjo është në interes të qytetarëve të Maqedonisë por edhe ata të Kosovës, dhe për të gjitha vendet që në të ardhmen do të shfrytëzojnë këtë vendkalim kufitar", deklaroi Gordana Jankullovska, Ministre e Brendshme.<br /><br />"Ky vendkalim kufitar ka një rëndësi të madhe për Maqedoninë dhe Kosovën, vende këto partnere. Përmes Bllacës, në vit kalon mall në vlerë prej 330 milion eurosh, si dhe 2 milion udhëtarë. Ky bashkëpunim është kyç për vendet e punës, rritjen ekonomike dhe përparimin afatgjatë të të dy shteteve", u shpreh Tatjana Proskurjakova, Drejtore e bankës Botërore, Maqedoni.<br /><br />Rindërtimi dhe modernizimi i vendkalimit kufitar 'Bllacë' është mbështetur financiarisht nga Banka Botërore, në vlerën e 1 milion e 800 mijë eurove. Valmir Kuçi